ગઝલ : "હે, મહાદેવ શંભુ!"

 

         હે, મહાદેવ શંભુ!

હે, મહાદેવ! શંભુ! જગન્નાથ છો;

ઝેર પીને અમર, વિશ્વવિખ્યાત છો.

શીશગંગા ધરી, રાખ પાવન કરી;

હે,જટાધર! કણેકણ તમે વ્યાપ્ત છો.

દેહ અર્પણ કરી માત, પૂજે ઉમા

પ્રાર્થના સિદ્ધ ઉત્તમ, ઉમાનાથ છો!

ડાક ડમરૂં વગાડો, ને ઝૂમે ધરા;

નાચ તાંડવ, કઠિન નૃત્ય સમ્રાટ છો.

સર્પમાળા, અલંકાર , ને ભસ્મ છે;

મૃગધર! હે, બલીવર્દ ને સાથ છો.

ખોલ ત્રિનેત્ર, પાતાળ ધ્રૂજે ગગન,

દુષ્ટ ભાગે ડરી; સત્ય સંગાથ છો.

અર્ધનારેશ્વરમ્ ! હે, શિવં શંકરમ્,

ભવ્ય ભૂતેશ્વરં! ઈશ ભવનાથ છો.

---પલ્લવી ગુપ્તા