આવ્યો રક્ષાબંધન તહેવાર

બાળગીત:

આવ્યો રક્ષાબંધન તહેવાર

બહેની મારી બહુ રૂપાળી

બાંધશે વ્હાલી આજે રાખી,

ઝટપટ થઇ જાઉં તૈયાર

આવ્યો રક્ષાબંધન તહેવાર.

કંકુ-ચોખાથી થાળ સજાવી,

આરતી કાજે દીવો પ્રગટાવી,

ભાવતી મને મીઠાઈ બનાવી,

બાંધશે વ્હાલી આજે રાખી,

ઝટપટ થઇ જાઉં તૈયાર

આવ્યો રક્ષાબંધન તહેવાર.

હું પણ એનો વીરો વ્હાલો,

ગમતી તેને ભેટ લાવ્યો,

કંપાસ, બંગડી, કલર, ઢીંગલી,

બાંધશે વ્હાલી આજે રાખી,

ઝટપટ થઇ જાઉં તૈયાર

આવ્યો રક્ષાબંધન તહેવાર.

ટમટમ તારલિયા ઓગસ્ટ ૨૦૨૧ માં પ્રકાશિત મારું બાળગીત

©️ પલ્લવી ગુપ્તા 🌷